Eldflóðið - eitt örlítið ljóð

Ef andinn kemur ekki yfir mann á svona dögum þá held ég hann mæti aldrei til leiks. Hér er örstutt ljóð. Minnt skal á hið gamla orð elfur = á.  Samanber orðið hraunelfur.

 

Glóandi elfurin ofan hlíð
er nema von þar muni
ferðalangarnir líta um hríð
hvar leika sér frost og funi
Austasti fossinn ágætt ber
örnefnið Heljarhruni

Æðir um hálsinn eðjan rauð
á sér þar framrás nýja.
Ekki er jörðin alveg dauð
úr iðrunum kemur spýja.
Straumurinn kvíslast kveður hátt
krummi úr hamraþili.
Vellur fram foss í vesturátt
í víðfrægu Hvannárgili

Nýr hraunfoss í Hrunagili

Athugasemdir

[Jón Steinar Ragnarsson, 28.3.2010 kl. 20:12]

Hér svífur Jón Helgaon yfir vötnum. Góður kveðskapur. 

Glænaparnir við glæðurnar flakka

góna og eru að hugs' um

hve léttir þeir eru í leðurjakka

og ljósbláum gallabuxum.

Alþýða á fjallið úr sófunum  fór.

Fimmvöruð við og alveg tóm.

Af ballinu sentist með kippu af bjór

bröltand' á ísnum í spariskóm.

[ÞJÓÐARSÁLIN, 28.3.2010 kl. 21:38]

Takk Jón Steinar!

Þjóðarsálin á dyggan lesanda þar sem þú ert. Við gætum með sama áframhaldi gefið út ljóðabók saman.

[Ólafur Björn Ólafsson, 28.3.2010 kl. 22:22]

Flottir í kveðskapnum...

Ég var að spá í að henda einni inn enn finst hún ekki passa við í augnablikinu...

En samt, kveðjur frá Keflavík

Kaldi