Kona slasaðist á versta stað!

Ekki er ég viss um að umræddum manni þyki neitt fyndið að hann sé til athlægis á facebook löggunnar. Ég er oft mjög hugsi yfir því hvort það þykir alltaf í lagi að segja frá ýmsu varðandi karla, sem yrði aldrei sagt frá varðandi konur. Þannig þykir t.d. allt í lagi að segja við  karl að hann sé spikfeitur, en ef ég segði það við konu þá þætti meiri dóni vandfundinn. Ég reikna með að fá hér athugasemdir um að þetta sé sko allt í lagi, en veit jafnframt að þeir geta beðið ævilangt eftir frétt af því á facebookvef löggunnar að kona hafi slasast á versta stað og hananú.

 

Læsti klónum í nakinn mann

Athugasemdir

[Tjörvi Fannar (IP-tala skráð) 11.1.2014 kl. 11:36]

Sem betur fer höfum við nauðgunar- og heimilisofbeldisbrandara sem við getum hlegið að.

Og þeir eru oft miklu fyndnari.

[Þór (IP-tala skráð) 11.1.2014 kl. 12:02]

Það er í raun ekkert í lagi að segja svona við mann, frekar en að segja svona við konu.

Það er furðulegt hjá sumu fólki að vera að stanslaust að velta sér uppúr og gagnrýna útlit annara.

Þetta var kannski skiljanlegt þegar við vorum börn og vissum ekki betur og stríddum öðrum börnum. En að fullorðið fólk haldi að það hafi rétt að skipta sér að prívat málum annara... alveg stórmerkilegt og þeir sem það gera hljóta að líða mjög illa með sjálfa sig.

Verum ekki með nefið ofan í málum annara. Hvort það séu nokkur aukakíló á maga eða önnur einkamál.

[Þór (IP-tala skráð) 11.1.2014 kl. 12:09]

Tek fram að þessu er ekki beint að síðueiganda hér, heldur bara umræðunni um þessi mál.

[Josephina Maria PJ Maas (IP-tala skráð) 11.1.2014 kl. 12:12]

Já, ég er heldur ekki víss að viðkomandi og/eða nánasta aðstandendur hans taka því fagnandi að sjá þessu "frétt" á facebook síðu lögreglunnar og kæra sig væntanlega heldur ekki um að sjá hana svo verða að "fréttir" á mbl.is.

Einnig rétt athugað að mínu mati að það yrði væntanlega ekki fjallað um þetta atvík ef að konan átti þar í hlut?

Ég get svo sem ekki séð hver er "gildi fréttarinnar".

Það er ekki ólíklegt að lögreglan hafði að hluta til forvarnargildi að leiðarljósi en fyrir blaðamenn mbl.is er það væntanlega frekar það að vera með "grípandi forsögn" sem vekur forvitni = fá sem flestra til að opna og lesa fréttina sem ræður fréttaval en e-h annað.

Og jú það þrælvirkar, ennþa opnaði ég fréttina, eins og margir aðrir líka úr forvitni, með þeim afleiðingum að hún virðist vera mest lesna fréttá mbl.is í augnablikinu.

Mér finnst að allir sem taka ákvörðun um að birta ákveðið (frétta)efni á netinu eigi að taka tilllít til þeirra sem tengjast málinu og velta fyrir sér hvaða áhrif birtingu/umfjöllun á opinberum vettvangi getur haft fyrir viðkomandi áður en næstu skrefið er tekið.

Það getur vel verið að viðkomandi sem tengist þessu frétt er með góðan humor, við vitum náttúla ekkert um það.

Sama hvernig er, að mínu mati er það alltaf ágætis regla að setja sig í spor annarra og velta fyrir sér gjörðir og afleiðingar áður en maður framkvæmir.

Ég hef það sjálf t.d. ekki fyrir vani að skrifa athugasemdir við bloggfærslur, þetta er ein af fáeinum skiptum að ég ákvað að tjá mig um ákveðið mál = mig langaði að benda á áðurnefndum atriðum en ekki fyrr en eftir frekar langa og vandlega umhugsun.

Eigið þið góðan dag. Kv. Josephina

[Tobbi (IP-tala skráð) 11.1.2014 kl. 12:21]

Það sem er athygliverðast við fréttina er það að þetta er fræg flökkusaga og hefur, að sögn, gerst í flestum stórborgum heims. Meira að segja var hún notuð í sjónvarpsauglýsingu fyrir nokkrum árum. Þið getið verið alveg róleg; þetta gerðist ekki, hvorki í Reykjavík né annars staðar þótt þetta GÆTI gerst.

[Emil Hannes Valgeirsson, 11.1.2014 kl. 14:51]

Sjálfsagt flökkusaga. Velti þó fyrir mér hvort maðurinn hafi hringt á lögregluna áður eða eftir að hann rotaðist. Sennilega áður því "þegar hún [lögreglan] kom á staðinn, lá hinn slasaði kviknakinn á gólfinu fyrir framan uppþvottavélina og reyndist vera með stóra kúlu á höfðinu".

[eyjaskeggi (IP-tala skráð) 11.1.2014 kl. 20:29]

Þessi maður var þó heppinn að þetta var bara lítill kettlingur, hefði verið verra hefði td stór hundur talið djáns mannsins vera bein ætlað sér.

[Riddarinn , 12.1.2014 kl. 03:40]

Jú .það er alveg til í þessu sem þú segir þarna og oft ekkert grín fyrir fólk en það er einhvern veginn erfitt að vera mikið óheppnari en þetta og ég finn hrikarlega til með kallinum því þetta er alveg...

Góður penni getur gert þetta að líflegri frétt sem fær fólk til að kíma og glotta. Svipaðar sögur fá fólk til að fara í bíó í milljónavís um allan heim.

Fólk hlær sig í gólfið og borgar milljarðan á milljarðana ofan að horfa á hrakfallasögur og lesa líka.