Ég veit af hverju það stafar sem aldrei hefur gerst áður.

Já, ég hef aldrei nokkurn tímann heyrt um svona lit á laxi, en veit samt af hverju þetta stafar. Semsagt þarna er hreinlega um vansköpun að ræða og hananú. Þetta þarf ekki að vera flókið. 

Þetta er ekki arfgengur galli, það þori ég að fullyrða, þótt ekkert annað dæmi sé um þetta og þar af leiðandi engar rannsóknir til. Rannsóknir eru bara til trafala og langbest að birta niðurstöðuna án rannsókna. Eins og ég sagði áðan: Þetta þarf ekki að vera flókið.

Vona bara að enginn verði svo vitlaus að spyrja: En af hverju kemur slík vansköpun upp, þá yrði ég kannski kjaftstopp smástund,  en tæpast lengi 

Bláa laxinn vantar hormón

Athugasemdir

[Pétur D. (IP-tala skráð) 21.7.2014 kl. 22:28]

Já, það er rétt hjá þér, Þjóðarsál. Alvöru vísindamaður spyr ekki bara HVAÐ eins og sveimhugarnir gera, heldur líka HVERS VEGNA (orsök) og HVERNIG (ferli), enda kom ekki fram hjá Birni hvað gæti hafa orsakað þennan vanþroska. Síðan má athuga það, eins og Steingrími varð að orði löngu eftir að hætt var að spyrja hann álits.

.

Rétt er það líka hjá þér, að það þarf krufningu og líkskoðun á þessum laxi til að slá því föstu eða hafna með eiturefnarannsókn, hvort um þungmálmamengun sé að ræða og ef svo er, þá úr hvaða opnu skólpræsi í hvaða fjöru sú mengun stafi.

.

Því að það er staðreynd að flest farvötn næst landi hér fyrir sunnan, sem laxinn syndir í á leið til hrygningarstaðanna, eru menguð. Þetta er vegna þess að alvöru skólphreinsunarstöðvar eru ekki til.

[ÞJÓÐARSÁLIN, 22.7.2014 kl. 01:26]

Takk Pétur!

Þetta er í raun nákvæmlega það sem ég var að pæla í. Takk fyrir að útskýra þetta svona vel. Einu sinni var sagt: Lengi tekur sjórinn við. Yrði svosem ekkert undrandi þótt fleir svona mál kæmu í ljós á næstu árum.