Ég vil líka sparka í Hönnu Birnu.

Ég hef aldrei hugrekki til að byrja á því að sparka í neinn. En ef einhverjir aðrir hafa sparkað í einhvern á undan mér og hann á í vök að verjast þá skal ekki standa á mér að sparka líka.

Satt að segja veit ég ekkert nema það lak eitthvað um eitthvert mál, sem ég veit satt að segja ekkert meira um.  Ef ég er spurður að því hvað hún hafi gert af sér þá get ég til dæmis bent á að hún mun hafa talað við sjálfan lögreglustjóra. Fyrr má nú vera bífrænin hjá ráðherra innanríkismála. Sagt er að hún hafi meira að segja spurt í leiðinni hvort nokkuð væri að frétta af rannsókn í hennar eigin ráðuneyti. Þetta er auðvitað fyrir neðan allar hellur og því rétt að konan segi af sér.

„Vantraust á ráðuneytið moldviðri“

Athugasemdir

[Grímur (IP-tala skráð) 3.8.2014 kl. 16:56]

Sparkaðu í DV þeir breyttu minnisblaðinu til að gera það meira krassandi

eða var það íslenskufræðingurinn sem lýsti yfir í heyrandi hljóði á Alþingi að falsaði textinn hljómaði mjög kunnuglega

[Pétur D. (IP-tala skráð) 3.8.2014 kl. 17:33]

Ég legg til að sorpsneplinum DV verði lokað tímabundið meðan rannsókn á fölsunum blaðsins fer fram.

[Kolbrún Hilmars, 3.8.2014 kl. 18:47]

Ég vil ekki sparka,  þannig lagað séð, en mig langar mikið til þess að snúa kröftuglega upp á nefið á DV ritstjóranum og sjá hver annar kveinkar sér...

[ÞJÓÐARSÁLIN, 3.8.2014 kl. 22:09]

Mér hefur oft fundist að það þætti eðlilegt að leggja stjórnmálamenn í einelti.

Fólk skiptir ekki um sál þótt það taki að sér að sinna störfum fyrir íslenska lýðveldið.

Munum að aðgát skal höfð í nærveru sálar.