Svona átti saga Hemma ekkert erindi á prent!

Ég er enn að velta  fyrir mér þessari dularfullu fyrirsögn. Satt að segja var ég að vona að það hefðu komið fram hatrömm mótmæli gegn því að bókin væri seld með þessum viðaukum.

Þarna sagði strákurinn (hann er og verður strákur í mínum huga) einlæglega frá sínu lífi eins og hann sá það (er það ekki þannig sem ævisögur eru ritaðar). Svo þegar hann er dáinn fara menn að hamast við að finna hvar hann hafi nú fegrað sinn hlut. Svo kemur eftirmáli þar sem vandlega er farið ofan í það hvar Hemmi hafi nú ekki sagt satt. Af hverju mátti almenningur ekki bara sjá hann og muna eins og hann kom þeim fyrir sjónir og eins og hann sagði sjálfur frá.

Nei, svona átti þetta aldrei erindi á prent. 

Á ekkert erindi á prent!

Athugasemdir

[Nanna Gunnarsdóttir (IP-tala skráð) 29.11.2013 kl. 08:52]

Sammála því, þetta er einkar dularfull fyrirsögn.

En algerlega ósammála því að ekki hafi átt að segja sögu hans með þessum hætti. Hemmi hafði heitið Orra Páli því að segja allan sannleikann, stóð ekki við það og börnin hans Hemma og systkini voru höfð með í ráðum um þennan eftirmála. Hafandi nú þekkt Hemma er ég þess fullviss að nú hristir stráksi hausinn og segir: Þetta var nú meiri vitleysan, auðvitað varð að segja frá þessu. Það vissu það hvort eð var svo margir.

Og það er mergurinn málsins, það vissu þetta svo margir og allir sem þekktu hann eitthvað og til hvers að vera að ala undir meira hvísli og meira slúðri?