Næst í Kerið Ögmundur!

Á meðan Ögmundur var ráðherra þá var gaman að hlusta á hann í fréttum. Hann er laginn að hlusta á þjóðina og standa að baki því sem fólkið vill. Ef Ögmundur hefði ekki verið ráðherra þá væri mjög stórt landsvæði á norðausturlandi í eigu Kínverja svo dæmi sé tekið.
Vissulega er mikil þörf á að laga til víða, en einn þúsundkall á hvern farmiða í og úr landi ætti að gefa ótrúlega mikið í slíkan sjóð. Skora á Ögmund að líta við hjá Óskari Magnússyni í Kerinu næst.

Gjaldtöku við Geysi hætt í hádeginu

Athugasemdir

[brjánn (IP-tala skráð) 30.3.2014 kl. 15:17]

það er dagljóst að ögmundur er maður fólksins, hann hefur kjark til að standa á móti græðgisöflunum sem eiga ekkert í þessu landi frekar en aðrir íslendingar.

[Skattgreiðandi (IP-tala skráð) 30.3.2014 kl. 16:19]

Landeigendafélagið á allt land í kring um reit í kring um helstu hverina. Til þess að komast að hverunum þarf maður að fara um land landeigendanna og það er átroðningur sem ríkið er ekki að bæta eða laga eða gera nokkuð fyrir. En ríkið á hlut í þeirri spildu landeigenda en með einkaeign á ferningi utan um helstu hverina sem fyrr segir.

Þetta sést vel á korti í bloggi Ágústs H. Bjarnason :

http://agbjarn.blog.is/blog/agbjarn/entry/1346877/

Eðlilegast er að þeir sem njóti greið fyrir það. Ekki allir hinir. Ég vil ekki borga einhvern nátturupassa 5 ár fram í tímann eða eitthvað slíkt. Ég vil greiða aðgöngumiða þegar ég mæti til að skoða hvort sem það verður á Þingvöllum, við Geysi eða í Kerið!

Fáránlegt að leggja skatt á flugmiða - hvernig ætlarðu að réttlæta slíka gjaldtöku ? Kannski eru 80% þeirra sem kaupa farmiða ekkert búnir að fara á slíka staði! Ef þetta er gert þá eru komnar nefndir á launum um leið að útdeila aurunum og þá verða augljóslega staðir útundan eins og berlega sést við Geysi.

Best er að hver staður rukki sinn aðgangseyri og ber þá í leiðinni ábyrgð á öryggismálum og öllu aðgengi og þjónust hver hjá sér. Þá verður það keppikefli hvers staðar að gera sem best því þá fara leiðsögumenn og ferðaskrifstofur helst með gesti sína þar sem aðbúnaðurinn er bestur.

Ég neita að greiða fyrir aðgengi annarra eins og þú leggur til.

Ég vil borga þegar ég kem á slíka staði en ekki láta skattleggja mig fyrir annarra manna aðgengi sífellt.

[Jón Logi Þorsteinsson, 30.3.2014 kl. 16:30]

Allir farþegar í flugi, til og frá landinu svo og innanlands hafa borgað skatt í einhver ár sem átti að renna til slíkra aðstöðubóta. Sve er einnig með gistináttaskatt. En eitthvað fréttist lítið af þessu fé, svo að komið er sem komið er....

[brjánn (IP-tala skráð) 30.3.2014 kl. 16:34]

af hverju skyldi taka upp eitthvað gjald á staði þar sem ekkert gjald hefur verið í áratugi, hafa menn bara eitthvað sjálfsvald í þeim efnum án þess að ræða við kóng né prest? Það er heldur ekkert víst að menn noti það fé í aðstöðu eða viðhald, engin trygging fyrir því, getur allt eins endað í karíbahafinu. Held að þetta sé ekki rétt nálgun ...

[Skattgreiðandi nr2 (IP-tala skráð) 31.3.2014 kl. 10:29]

Ég spyr skattgreiðand nr 1

Hver borgaði fyrir alla þessa stíga sem hafa verið lagðir hingað til hjá Geysi?