Þá er engin ástæða að óttast

Nú verð ég að játa að ég er skræfa þegar náttúruöflin eru annars vegar. Ég verð skíthræddur þegar 40 km göng full af kviku eru enn að lengjast.  Ég verð ennþá hræddari þegar ég les að heilu landsvæðin hafi þeyst upp í loft, þegar kvika frá einni eldstöð kom inn á svæði annarrar. Það er svona ein og hálf öld síðan það varð í Öskju, sem eru auðvitað sekúndubrot á tímamæli heimsins.

Mér léttir ekki hætishót þótt spekingar segi að engin bráðavá sé tengd sigkötlum. Víst er bráðavá þarna fyrir norðan og svo miklu miklu stærri en menn órar fyrir. Ég dáist hins vegar að konu sem var viðtal við í hádeginu. Aðspurð sagði hún að hún vissi hreinlega ekki hvað væri að gerast. 

Engin bráðavá tengd sigkötlunum

Athugasemdir

[Pétur D. (IP-tala skráð) 28.8.2014 kl. 19:40]

Nú er komin sú frétt að það sé búið að gjósa og þá er sennilega allt írafárið yfirstaðið. Flugfarþegar á leið yfir Atlantshafið geta nú andað léttar.

Því miður fyrir íslenzka fjölmiðla voru engin vitni að atburðinum.

      

[Pétur D. (IP-tala skráð) 29.8.2014 kl. 14:30]

Uppfærsla: NÚ er gosið búið, en í þetta sinn var vefmyndavél vitni að þessu pínulitla gosi úr órafjarlægð. Svo að ef einhverjir túristar komu til Íslands sérstaklega til að upplifa eldgos, þá má búast við miklum vonsvikum. En sem betur fer eru önnur (alvöru) eldgos í gangi oft á tíðum, bæði á Hawai'i-eyjum og í Etnu.

Á Íslandi fer þetta að verða skrípaleikur, sumir Íslendingar, Almannavarnir og allir fjölmiðlar vilja svo gjarnan fá útlenzka athygli, að þeir nenna ekki einu sinni að bíða eftir að hlutirnir gerast áður en þeir gera stórmál út úr því og verða síðan að athlægi.

Gera má ráð fyrir að öll gos á þessu svæði út árið verði minniháttar og skammlíf. En þegar maður hlustaði á hádegisfréttir á Bylgjunni í dag fékk maður aulahroll, því að verið var að gera eitthvað mikið úr einhverju sem var svo ekki neitt neitt.

Ég býst fastlega við að næst þegar hundur rekur við, þá muni fjölmiðlar á borð við RÚV og Bylgjuna kryfja málið til mergjar og greina vandlega bæði orsakir þessa viðreksturs og afleiðingar hans fyrir mannkynið sem slíkt.

Svo minnir mig að Ólafur Ragnar hafi lofað umheiminum Kötlugosi sem átti að trompa gosið í Eyjafjallajökli, en það er ekkert víst að Katla gjósi nokkurn tíma aftur svo einhverju nemi. Allar þessar spár, sem áttu að vera svo áreiðanlegar brugðust, því að enn er sáralítið vitað um jarðskorpuna.

[Pétur D. (IP-tala skráð) 29.8.2014 kl. 16:21]

Þ.e.a.s. að það er sáralítið vitað um kvikuhreyfingar í jarðskorpunni.