Þegar illskan tekur völdin

Þessa dagana hugsa allir það sama. Getur verið að valdafíkn Pútíns sé svo mikil að hann svífist einskis. Það er svosem ekkert nýtt að menn framkvæmi voðaverk og reyni svo að klína sökinni á annað land. Þetta er þekkt varðandi upphaf ákveðinna styrjalda.

Það sem venjulegt fólk spyr sig er: Getur mannvonska virkilega komist á þetta hátt stig.
Lítum til Noregs þar sem enginn skilur hvernig Brevik fékk sig til að gera það sem hann gerði.

Já, þota frá sama flugfélagi hvarf fyrir stuttu síðan. Þrátt fyrir gífurlega leit þá fannst engin sönnun um afdrif hennar og eins og áður hugsa allir og hugsa, en enn er  EKKERT SVAR.

Hvað sagði ekki Davíð:
Þegar sólin dvelur bak við drungaleg ský.
Þá er hún að gráta með Guði yfir því
hve myrkið er elskað mannheimum í.

298 um borð - 173 Hollendingar

Rödd fólksins og framsókn

Það er því miður alltof algengt að stjórnmálamenn setji upp helgislepjusvip og tali þvert á hug fólks. Það er óttaleg klikkun, ef þeir halda að fólk vilji byggingar þar sem hesturinn tók forðum á móti manni milli Hringbrautar og Suðurlandsbrautar.

Í fyrsta lagi vill enginn byggingar þarna og ég hélt að atburðir undanfarinna ára hefðu sýnt fólki að það er himinn og haf milli hugsanagangs kristinna mann og múslima. Þótt ákveðnir menn geti verið blíðir á svipinn þá finnst þeim ekkert að því að hendur séu höggnar af þjófum, konur verði að ganga um í nokkurs konar tjaldi o.s.fv. - En það er gott að mönnum hefnist fyrir að hlusta ekki.

Vonar að niðurstaðan verði önnur

Útvarpið kom út úr skápnum

Það var mikil gleði heima hjá Veru Viggósdóttur þegar útvarpið kom út úr skápnum. Já, ég er svo sannarlega hýr sagði þessi yndislega kona, sem hefur barist fyrir því að fá Guðna Má aftur í útvarpið. Ég er meira að segja að hugsa um að bjóða honum hingað vestur til Tálknadýrafjarðar sagði hún létt í lund. Ég er byrjuð að baka kleinur og svo verða flatkökur með rauðmaga og rúgbrauð með reyktum silungi, fyrir utan súra selshreifa og smávegis afgang af hrútspungum.

Ekkert er of  gott fyrir Guðna Má sagði hún og hækkaði í tækinu svo rödd Gylfa Ægissonar barst um allt plássið þar sem hann söng hið gullfallega lag: Sjúddirarirei. 

Næturvaktin aftur í loftið

Eitt sinn Hallur ávallt Hallur!

Hallur vinur minn Magnússon er ákaflega góður drengur. Hann hefur sínar sterku skoðanir eins og hann á kyn til og er fylginn sér. Þeir sem þekkja Hall bara úr blaðagreinum mynda sér oft rangar skoðanir um hann. Mér hefur hann reynst einstakur vinur ekki síst þegar eitthvað hefur bjátað á.

Annars er það nú bara svo að hið ágæta fólk, sem er frá Hallkelsstaðahlíð það er ekkert sérstaklega gefið fyrir að sýna einhvern eymingjaskap.  

Þetta minnir mig svolítið á það þegar Haukur Helgason fyrrverandi skólastjóri hringdi í mig í fyrra vegna blaðagreinar. Hann sagði orðrétt. Það er auðvitað ekki þannig að ég sé þér sammála, en ég dáist að þessari vestfirsku þrjósku, sem hefur fylgt þér alla tíð. Við félagarnir gætum því sungið saman: Við gefumst aldrei upp þó móti blási. 

Hallur hættir á Útvarpi Sögu

Og þessu efni er neitt ofan í þig

Viltu lesa þetta hægt yfir og segja mér hvort þig langar í þetta efni. Að vísu skiptir svarið ekki miklu, því mjög líklega ertu búinn að fá það í líkamann í dag. Án þess að þig hafi grunað neitt er því laumað í ákveðna matvöru. Ekki er ósennilegt að þú efist um að þetta sé rétt, en því miður er ekki svo. Menn hefur um áraraðir grunað að eitthvað svona væri á ferðinni, en ekki fundið hvar.

xxxx will frequently cause flushing, which may include burning, sweating, tingling, redness or chills. These can last as long as 4 hours after taking the supplement, but this is a harmless condition. Other common side effects of taking xxxx include upset stomach, nausea, vomiting, diarrhea, heartburn or dizziness. In severe cases, taking xxxx can result in persistent headache, irregular heartbeat, swelling of the arms or legs, joint pain, or blurred vision. In rare cases patients may also experience intense abdominal pain, incessant nausea or vomiting, bloody or black stools, yellowing of the eyes and muscle or joint pain. Allergic reactions to xxxx can result in swelling of the lips, tongue, throat or face, itching or hives.

Þessi texti er tekinn beint af upplýsingasíðu fyrir lækna um allan heim 

Sagði einhver harmless?

Við heyrum svo oft um hryðjuverkamenn sem eru Múslimar

Sveinbjörg kann að hlusta á fólkið. Það er nefnilega svo að ótrúlega margir vilja enga byggingu á þessum stað það sem maður kemur eiginlega blíðlega inn í Borgina með grænar grundir til hægri. Hvergi í Reykjavík blasir eins vel við ökumönnum að það séu líka til yndisleg græn svæði.

Eflaust spilar inn í að undanfarin ár höfum við heyrt gífurlega mikið um öfgamenn, sem eru Múhameðstrúar og nú síðast í Nígeríu. Nú og svo heyrðum við ekki svo lítið um Al Kaeda samtökin.

Þeir sem vilja dæma okkur ofstækismenn vegna þess að við erum í vafa um Moskuna, þeir hafa hátt og skilja ekki slíkan öfgakenndan hugsunarhátt. svo taka þeir upp tólið og spyrja ráðamenn Borgarinnar hvort það sé forsvaranlegt að vera að setja upp heimili fyrir einhverfa þarna í götunni.

 

Framsókn með mann

Nú var ég heppinn!

Það hefði verið rosaleg spæling að koma með sjúkrabíl á Landspítalann í Fossvogi og vera rekinn til baka. Til allrar Guðs lukku heimsótti ég þá aðfaranótt laugardags. Nú segjast þeir hamast við að útskrifa fólk svo Mósi verði þeim ekki að fjörtjóni. 

Auðvitað hefur maður alltaf gert sér ljóst að Landspítalinn er hættulegasti staður landsins miðað við dánartíðni. Í dánarfregnum er nánast alltaf tekið fram að viðkomandi hafi andast á Landspítalanum. Menn geta því þakkað sínum sæla fyrir að vera nú útskrifaðir með hraði áður en Mósi brokkar inn á stofuna til þeirra.

MÓSA-smit greinist á Landspítala

Er makinn grimmur við þig?

 Nú eru vísindamenn vissir um að ADHD erfist í allt að 90% tilvika. Það er stjórnstöð heilans sem virkar ekki rétt og í stað þess að framheilinn virki almennilega þá getur mandlan tekið við. Ekki er þá von á góðu, því hún stýrir þeirri gamalkunni tilfinningu að nú eigir þú aðeins tvo möguleika: Flýja eða berjast. Þessi tilfinning sem hefur fylgt mannkyninu frá örófi alda magnast upp.

Þar eð þetta er í heilanum sjálfum þá eldist þetta alls ekki af fólki, en það verður meiri leikarar með árunum. Menn reyna að fela þetta eins og hægt er, en lendi það í aðstöðu þar sem tveir berjast þá er það stríð upp á líf og dauða. 

Hjónarifrildi þar sem annað er með ADHD en hitt ekki verða aldrei réttlát, því sá sem er með ADHD notar öll vopn sem til eru. Þekktast er kannski setningin: Þú gerðir þetta alltaf, þótt það hafi bara gerst einu sinni.

Börnin lemja stundum, bíta jafnvel en ef orustan sýnist töpuð þá er farið út í horn þar sem veggurinn hlífir við árásum aftan frá. Ennþá einn arfur frá frummanninum.

Ég heyrði fræg íslensk hjón lýsa sambandi sínu nýverið. Það er enginn vafi á því að hún er með ADHD

Mikil þörf fyrir greiningu

Tímamót - héðan í frá kennum við launalaust!

Þetta eru merk tímamót sagði Trausti smíðakennari við mig áðan. Hann sagði að það væri löngu tímabært að grunnskólakennarar afsöluðu sér launum fyrir sína vinnu. Ja, ef vinnu skyldi kalla sagði Trausti. Þetta er skemmtun frá morgni til kvölds. Og hugsaðu þér sagði hann nú fá þeir sem eldri eru að kenna meira.
Í mörg ár hefur það tíðkast að rífa þá út úr kennslu í miðjum tíma og segja: Nú getur þú ekki meira í dag vesalings gamla hró. Nú fá þeir að kenna jafnmikið og hinir (eða fá enga launahækkun)- Þetta gamla lið á nóg af peningum, fékk húsin sín ókeypis og svona. Já, og aldrei fékk ég neitt úr þessum launapotti sagði Trausti svo það er fínt að losna við hann.
Þarna varð mér ljóst það sem mig hafði lengi grunað - Trausti hefur misst glóruna.

Nýr kjarasamningur markar tímamót

Hver reið hverjum og sprenging sprakk í námunni

Ekki er þetta í fyrsta skipti sem menn nota svona fyrirsögn. Jennifer reið Jimmy. Ég verð nú að viðurkenna að ég þekki þetta fólk ekki neitt og skiptir mig ekki öllu mál hvort einhver kona sé reið eða ekki.
Hins vegar skulum við vona að blaðamanni sé vel ljós tvíræðni fyrirsagnarinnar. Það er auðvitað hið besta mál að taka þessu létt, en þetta er ekki fyrsta helgin þar sem ég undrast færni blaðamanna hér á þessum vef. Í sorglegri frétt hér núna er t.d. sagt frá sprengingu sem sprakk. En það var ekki einu sinni sprengja sem sprakk heldur varð sprenging í námunni. Hvar er eiginlega metnaður Moggans?

 

Jennifer Lawrence reið Jimmy Fallon

Hvatvísi!

Ég hef í nokkra daga kynnt mér allt sem ég get um hvatvísi. Þessi mynd fellur svo einstaklega vel inn í það efni að ég vildi að ég mætti hafa hana sem forsíðumynd á greininni sem ég er að skrifa. 

Þeir sem eru hvatvísir eru oft yndislega skemmtilegir, því þeir taka upp á einhverju, sem þeim dettur allt í einu í hug. Þeir leiða hugann alls ekki að því hvað getur skeð í framhaldinu og hvort einhver misskilji hlutina. Hér einu sinni var sagt að þetta ágæta fólk framkvæmdi áður en það hugsaði.

Það sem meira er mér finnst alltaf fólk frá ákveðnu landsvæði sýna hvatvísi og ég þekki það úr á samkomum. Veit ekki hvort nokkur þorir að giska hvaðan það fólk er.

Þingmenn féllust í faðma

Nýr texti til heiðurs Eyjamönnum

Til hamingju Eyjamenn með titilinn. Þetta var glæsilega gert og svo sannarlega gefist þið aldrei upp þó móti blási. Nú grípum við gítarinn og syngjum: 

Ég veit þú kemur í kvöld til mín

og kyssir mig svo undur heitt.

Ég trúði ekki á orðin þín

að Haukar gætu varla neitt.

Og þá mun allt verða eins og var

og áður en þú veist þú veist

að eina markið sem út af bar

var okkar - þá var þrautin leyst

Og seinna þegar bátur kemur

beint um langan veg.

við halda skulum bikarnum

mót himni, þú og ég

ÍBV Íslandsmeistari í fyrsta sinn

Hvað gerum við með Eyvindarána

Austur á Héraði er á sem heitir Eyvindará. Um leið og það kemur góður sólardagur fyrir austan þá senda fréttaritarar frá sér pistil þar sem segir að nú séu börn og unglingar að stökkva út í Eyvindarána og það sé órækt merki um að sumarið sé komið. Víða má finna myndir og texta þar sem sagt er að þetta sé gamalgróinn siður. Ég er reyndar þeirrar skoðunar að krakkarnir ættu ekki að nota Gullinbrúna sem stökkpall heldur finna sér hættuminni stað, ef svona stökk freistar þeirra á annað borð. Ég held semsagt að þetta verði ekkert endilega stöðvað, en kannski má hafa örlítið vit fyrir þeim.

Svona er þetta fyrir austan

Börn stökkva fram af Gullinbrú

Það er þjónn í baðkarinu!

Það er sagt að list blaðamannsins sé fólgin í fyrirsögninni. Ef fyrirsögnin er góð þá vekur hún næga athygli til að fólk fari að lesa. Ég verð að viðurkenna að ég náði því ekki alveg hvar þessi sæti þjónn kæmi inn í baðkerið.

 Af tvennu góðu hlýtur það að vera betra að hafa baðkerið ekki of stórt, því þá mun sæti þjónninn óhjákvæmilega vera nær manni.  Þegar maður les svo greinina koma í ljós þau sorglegu tíðindi að það er enginn þjónn í baðkerinu hvað þá heldur einhver íturvaxinn, sólbrúnn sólstrandargæi.

Vonbrigði lífsins eiga sér engin takmörk!

þjónn 

Þjónninn of sætur, baðkarið of stórt