Einelti í ferðabransanum!

Nei, nei, nei. Ekki hrella hann alla daga. Það er miklu áhrifaríkara að gefa honum högg í dag og láta hann svo bíða milli vonar og ótta. Hugsaðu þér hvað honum mun létta á tveimur dögum og hann svitnar við að reyna að koma öllu sem við skemmdum í rétt lag. Svo kemur næsta högg. Hann mun bjóða okkur nestið sitt, en þá heimtum við að hann taki peninga heima hjá sér og láti okkur hafa þá. Annars kemur næsta högg.

 

Þegar ég vann með börnum þá þurfti ég oft að tala við þá sem lögðu í einelti, svo hugsanagangur þeirra varð nokkuð ljós.  Hvar skyldu þeir nú njóta sín best sem lögðu aðra í einelti á sínum yngri árum?Ekki man ég til þess að mér hafi tekist að koma því inn í kollinn á þeim hversu miklu tjóni þeir gætu valdið. Hlutirnir breytast ekki svo glatt.

Fjölmargir afpanta Íslandsferð

Við erum rosalega loftleiðir

Enginn virðist leiða hugann að því hversu hrikalega loftleiður maður verður á því að húka frammi í vél og horfa á skýin. Með stjálfstýringuna á verður þetta ennþá verra. Einhver sagði að við værum í senn flugleiðir, loftleiðir og svo hreinlega hundleiðir á því hvað við fáum hrikalega lítið í vasann. 

Það er yfirleitt flogið fram og til baka sama daginn, svo það er ekkert hægt að djamma með flugfreyjunum eins og í gamla daga og bölvað bullið um jafnrétti hefur orsakað að nú staulast hér eldgamlar konur í einkennisbúningi milli sætaraða, hundskammandi farþega sem ætla á klósettið. Og gætu þær ekki stutt sig við sölugrindur þá dyttu þær á hausinn. WOW -hvað mig langar að fara eina ferð með WOW. Hér er þetta ekkert líf

Lausn deilu ekki í sjónmáli

Auglýst eftir Hönnu Birnu!

Ég auglýsi hérmeð eftir konu sem heitir Hanna Birna. Um nokkurt skeið var hún borgarstjóri í Reykjavík. Hún var mjög skelegg í framkomu og manni var ljóst að hún mundi grípa inní hverskonar vandamál og leysa þau almenningi til heilla. Ég studdi hana einmitt í prófkjöri, en hef ekkert heyrt frá henni lengi. Svo er einhver nafna hennar á þingi, en sú virðist hikandi og er ekki nærri því eins mælsk eins og sú sem ég studdi. Vona að hin finnist fyrr en síðar. Okkur vantar þannig konu á þing.

Lög á flugmenn ekki útilokuð

Gífurlegur léttir fyrir konurnar í minni ætt!

Hér á  eurovision-ættarmótinu má heyra gleðistunur úr hverju horni. Austurríska skeggdrottningin hefur sungið lag Austurríkis til sigurs. Nú munu frænkur mínar geta tekið gleði sína aftur og hent öllum þeim rakvélum, sem þær hafa falið hér og þar á heimilinu í þeirri von að enginn áttaði sig á því hversu hrikalegur skeggvöxtur er í ættinni.
Af eðlilegum ástæðum mun ég ekki gefa upp um hvaða ætt er að ræða, en ég bíð spenntur eftir næsta ættarmóti.

En hér er einmitt mynd af Siggu gömlu á Hóli

Skeggjaða konan sigraði

Einmanaleikinn er algjör!

Það ætti að gera allt sem hægt er til að forða börnum frá frægð. Hver einasti maður, sem hefur staðið á sviði og fengið með sér nokkur hundruð eða jafnvel þúsundir áhorfenda hann á ekki á góðu von. Adrenalínið flæðir um líkamann og eftir að viðkomandi hefur stigið af sviðinu getur einmanaleikinn gerst gjörsamlega óþolandi. Það er engin tilviljun að leikarar treysta sér ekki alltaf beinustu leið heim eftir sýningu.
Við höfum heyrt alltof mörg dæmi um það hvernig getur farið. Því miður kæmi það fæstum á óvart þótt þetta krakkagrey villtist af leið.

Willow Smith í rúminu með eldri manni

Kvindelogík

Flosi heitinn Ólafsson átti það til að tala um kvindelogík, þegar hann skyldi ekki alveg sjónarmið kvenna. Ég verð að viðurkenna að mér finnst þessi frétt um konu á bikini vera ótrúlegt dæmi um kvindelógík. Það hlýtur að vera staurblindur maður (eða kona), sem sér ekki að húðin á konunni hefur farið hrikalega illa á því að togna svona mikið og ég hefði kannski haldið að konan sjálf vildi ekki láta birta þannig mynd. Allt öðru máli mundi gegna t.d. varðandi læknablað þar sem fjallað væri um áhrif offitu á húðina. En best að segja ennþá einu sinni kvindelógík og sjá hvort ég fæ skammir.

Neituðu að birta bikiní-mynd

Forláta bíll með forljóta kerru

Það getur verið alveg stórskemmtilegt að virða fyrir sér umferðina á svona vordegi. Þegar líða fer á daginn fara garðeigendur gjarnan í Sorpu með drasl og þá getur maður séð glampandi 10 milljóna króna jeppa með svo forljóta kerru í eftirdragi að það hálfa væri nóg. Stundum er jeppinn meira að segja upphækkaður og kerran hangir stórundarlega aftan í bílnum. Væri nú ekki best að menn endurnýjuðu líka kerruna og hefðu á henni góðan ljósabúnað. Til hvers er að eiga landcruiser, ef maður eyðileggur "lúkkið" með kerrugarmi?

Lélegar kerrur fá rauða spjaldið

Þvottahúsið baðst einnig afsökunar!

Nú í eftirmiðdaginn barst mér svohljóðandi tilkynning!

Regla sem verkstjóri setti um röðun sængurfatnaðar í þvottahúsinu var sett án minnar vitundar. Eins og allir vita þá var ég í fæðingarorlofi, þegar þessi regla var sett og auk þess staddur erlendis utan þjónustusvæðis.
Er hér með beðist afsöknar á því að téður verkstjóri skuli hafa sett reglu, sem gæti bent til að hér í þvottahúsinu sé kynbundin verkaskipting.

Auk þess viljum við geta þess að athugasemd á facebook um að við skiluðum þvottinum skítugri en við tækjum við honum hefur haft slæm áhrif. Engu að síður erum við tilbúnir að veita þér bestu meðmæli við önnur fyrirtæki, ekki síst erlendis.

Sjá fyrri færslu  

Sambíóin biðjast afsökunar

Dear Cressida

Dear Cressida!

My mother has told me that your way of dressing is too much for the royal family. When you met her on the way to the toilet only dressed in your G-string and nothing else she got kind of shock. She hurried as fast as  she could to lock the door into my father´s bedroom so he would not see anything. I´m sorry having to tell you that she hurried too much and almost got an heartattack. If she had died my father would have become king and who wants that to happen. I love you but you have too think a little bit about what is appropriate.

Sendir henni 15 sms á dag

Lousy vinnustaður!

Ég verð nú að segja að verkstjórinn í þvottahúsinu þar sem ég vinn er algjör lúser. Hann hefur margsinnis sagt mér að stelpurnar brjóti þvottinn betur saman en ég. Nýlega voru margar stelpur veikar og ég reddaði málum, en hér er einhver kynlegur kynjamunur, því verkstjórinn ærðist og spurði af hverju ég gæti aldrei lært að sængurverin ættu öll að vera saman í bunka, lökin öll saman o.s.frv. Mér finnst mitt kerfi miklu betra - Sængurver, lak og koddaver saman. Ég spurði verkstjórann, hvort hann væri ekki sammála, en hann rak mig bara út og setti stelpu í djobbið. Skítapleis.

Sagt upp eftir jafnréttisumræðu

Alltaf fjör í Latabæ

Skelfing er ég feginn að Magnús íþróttaálfur hafi ekki sest í helgan stein. Ég er líka rosalega feginn að Smartlandið sé á tánum og láti ekkert svona fara framhjá sér. - Auðvitað á íþróttaálfurinn stað í hjörtum okkar allra svo okkur þykir gífurlega vænt um það að hann sé ekki að rolast um einmana og yfirgefinn. Vona bara að þessi nýja álfadís sé ekki stirð eins og hún Solla og ekki heldur sælgætisgrís. Slíkt væru dapurleg örlög fyrir íþróttaálfinn.

Magnús Scheving kominn á fast

Kemur hermannaflugan með hermannaveikina?

Hvað er eiginlega í gangi. Á meðan menn hatast við það eins og heitan eldinn, þegar pöddur eru að nema land af eigin frumkvæði eins og geitungar, þá eru menn að leika sér á því að taka sénsa með að flytja önnur kvikindi til landsins. Hvaða erindi á þessi hermannafluga hingað til okkar? - Að vísu skulum við vona að hún flytji ekki með sér neina óværu aðra en sjálfa sig. Skyldi einhver álíta að sé henni sleppt á Vestfjörðum þá haldi hún sig þar.

Best að bæta því við að mér er meinilla við að menn séu að koma upp býflugnabúum hér og þar og leyfa þessu sem ég hef alltaf kallað randaflugur að bætast í hóp þeirra kvikinda sem fyrir eru. 

Lirfur látnar éta lífræna úrganginn

Reið fjárhagnum að fullu

Ég vil nú reyndar leyfa mér í upphafi að efast stórlega um að Harry sé einhver ævintýraprins. Ætli hann sé ekki miklu frekar ofdekraður Breti. Annars er það auðvitað alveg út í hött fyrir prins að vera að þvælast með konu, sem er þurftafrek nú þegar. Hvað gæti þá orðið þegar stúlkan er orðin að prinsessu og finnur það á eigin skrokki, ef ein lítil baun er undir sautján dýnum.

Nei, ég tel þessa ákvörðun Harrys hárrétta ekki síst fyrir stúlkuna. Svo eru nú ekki svo mikil fjárframlögin til konungsfjölskyldunnar að þau þurfi á einhverjum afætum að halda. 

Ævintýraprinsinn aftur á lausu

Eiga þessir timburhjallar rétt á sér!

Í fjöldamörg ár hefur Reykjavíkurborg flutt eldgamla úr sér gengna skúra milli skóla. Ástandið hefur verið sérlega slæmt við þá fjölmennu eins og t.d. Rimaskóla.

Örstutt er á milli þessara skúra og að sjálfsögðu hvergi neina eldveggi að finna. Vonandi eru allir öruggir á mínum gamla, góða vinnustað og það er hreinlega skylda þeirra hjá Reykjavíkurborg að skoða alla þá timburhjalla, sem skellt hefur verið upp við skóla Borgarinnar. Þarna sýnir sig í raun hversu ofboðslega fljótt þeir fuðra upp.

Eldsvoði í Rimaskóla